മായികമാമീ അക്ഷരലോകത്തിന്‍
മായാപ്രപഞ്ചത്തില്‍പിച്ചവെച്ചിടുമീ
ചെറുപൈതലിന്‍ കാലിടറാതെയീ
ഉഷരഭൂവില്‍ കൈപിടിച്ചെന്നും നീ
നേരെ നയിച്ചീടണം മഹാപ്രഭോ
പാലാഴിപോലെന്‍റെ മുന്നിലെന്നും
ആര്‍ത്തലച്ചീടും നിന്‍ കാരുണ്യ
പാരാവാരാമാവോളം നുകരുവാന്‍
ഭാഗ്യമുണ്ടാവണം
മായാമേഘങ്ങളില്‍ ഒളിപ്പിച്ച
നിന്‍ വിശ്വരുപത്തെയാവോളം
ദര്‍ശിക്കാനെന്നുമെന്നിലറിവു
നിറക്കണേ ജഗത്നിയന്താവേ
കനലു പോലെന്നില്‍ ജ്വലിക്കുമെന്‍
പാപഭാരത്തിന്‍ ചുടിലുരുകുമെന്‍
മനസ്സില്‍ ഭക്തി തന്‍ കുളിര് നിറക്കണേ
പവനപുരാധീശ്വര വാസുദേവാ...
No comments:
Post a Comment